បន្ទាប់ពីរងចាំអស់រយៈពេល ៩ ខែ ១០ ថ្ងៃ ទីបំផុត អ្នកនាង តែ ស៊ុនសុដាលីកា និង ស្វាមី បានឃើញមុខកូនប្រុសដំបូងហើយ ពោលគឺ អ្នកនាង បានសម្រាលកូនដោយសុវត្ថិភាពនៅល្ងាចថ្ងៃទី ២១ ខែវិច្ឆិកា ឆ្នាំ ២០២២។
ក្នុងនោះ មើលទៅមុខមាត់កូនប្រុសដំបូងរបស់អ្នកនាង ពិតជាគួរឱ្យស្រឡាញ់ខ្លាំង ជាងនេះទៅទៀតគឺពួកគេបានដាក់ឈ្មោះឱ្យកូនប្រុសយ៉ាងពីរោះ ដោយមានឈ្មោះថា «វុន ថាវ៉ាត់»។
បើតាមបណ្ដាញសង្គមហ្វេសប៊ុករបស់ តារាស្រីរូបនេះ បានបង្ហោះរូបភាព និងសារបង្ហាញពីអារម្មណ៍រំភើបចិត្តជាខ្លាំង ក្រោយពីបានឃើញុមុខកូនប្រុស ដែលរៀបរាប់ថា ៖ «Welcome kon កើតថ្ងៃទី 21 ខែ 11 ឆ្នាំ 2022 នៅវេលាម៉ោង 7:55pm អូនឈ្មោះ វុន ថាវ៉ាត់ VUN THAWATT»។
ទន្ទឹមនឹងនោះ មហាជន ក៏ដូចជាមិត្តភក្ដិក្នុងសិល្បៈជាច្រើន បានធ្វើការបញ្ចេញមតិចូលរួមអបអរសាទរដល់រូបនាង និង ស្វាមី ដែលទើបតែទទួលបានសមាជិកថ្មីយ៉ាងគួរឱ្យក្នាញ់រូបនេះផងដែរ៕
