ជឿជាក់ថាមហាជននៅមិនទាន់ភ្លេចនៅឡើយ ទាក់ទងនឹងករណីប្រទះឃើញទារកម្នាក់ត្រូវបានឪពុកម្ដាយបោះបង់ចោលក្នុងគំនរសំរាមនៅជាប់បង្គោលភ្លើងមួយកន្លែងក្នុងរាជធានីភ្នំពេញ កាលពីដើមខែសីហា ឆ្នាំ ២០២០ កន្លងទៅ។
ជាមហាសំណាងល្អរបស់ទារិកាដ៏កម្សត់រូបនេះ ដែលត្រូវបានប្រជាពលរដ្ឋរស់នៅម្ដុំនោះរើសយកទៅចិញ្ចឹម ថែមទាំងមានការជួយឧបត្តមជ្រោមជ្រែងជាច្រើនពីសប្បុរជន និង ពីសំណាក់តារាល្បីៗផងដែរ។
ដោយឡែកមកទល់ពេលនេះ ទារិការូបនេះបានលូតលាស់ក្លាយជាក្មេងស្រីដ៏គួរឱ្យស្រឡាញ់ម្នាក់ ដែលមានអាយុជាង ២ ឆ្នាំហើយ ឈ្មោះថា ស៊ន់ ធានី ហៅថា ធានីមហាសំណាង ដោយមើលទៅក្មេងស្រីរូបនេះកាន់តែធំកាន់តែស្អាត ប្រែពណ៌សម្បុរប្លែក មានសាច់ឈាមសស្អាតទ្រលុកទ្រលន់ មុនមាត់ស្រស់បស់គួរឱ្យក្នាញ់។
នេះបើតាមការបង្ហោះរូបភាព និង សារលើបណ្ដាញសង្គមហ្វេសប៊ុករបស់អាណាព្យាបាល ដែលបានចិញ្ចឹមមើលថែក្មេងស្រីរូបនេះកន្លងមកគឺ ពូ ឈីវ និង ភរិយា ដែលជាក្រុមយុវជនសំរាមនោះបានសរសេរថា ៖ «កូនជ្រូកកំពូលក្បាលខូច មកល្បួង ប៉ាឈីវ សុំកាដូក្រេមលាបមាត់ ហូបច្រើនណាស់បងប្អូនអើយ»៕
ប្រភព៖ ប្រជាប្រិយ
