ថ្មីៗនេះ ជឿជាក់ថាប្រិយមិត្តដែលតាមដានព្រឹត្តិការណ៍សង្គម ជាពិសេសអ្នកដែលស្រឡាញ់ចូលចិត្តគ្រួសារតារាកំប្លែង ផន សុផារី ច្បាស់ជាបានដឹងពីរឿងរ៉ាវកើតឡើងលើនាងតូច អ៊ែលលី កំពុងមានអ្នកលេងបណ្ដាញសង្គមមួយចំនួនស្ដីបន្ទោសលើនាងតូច ពាក់ព័ន្ធនឹងកាយវិការមិនសូវសមរម្យដាក់អ្នកគាំទ្រ។
ពាក់ព័ន្ធរឿងរ៉ាវមួយនេះ អ្នកនាង ផន សុផារី ក៏បានបង្ហោះសារបកស្រាយម្ដងហើយម្ដងទៀតក្នុងអត្ថន័យសូមចិត្តបងប្អូនទាំងអស់គ្នាកុំប្រកែប្រកាន់កូនស្រីរបស់ខ្លួន ព្រោះនាងទើបតែមានអាយុ ២ ខួបប៉ុណ្ណោះ មិនទាន់ចេះគិតពិចារណាថាកាយវិការណាលើសលស់ ឬមិនមិនលើសលស់ឡើយ ម្យ៉ាងកាលនោះ អ៊ែលលី មិនសូវស្រួលខ្លួនទើបមានអារម្មណ៍មួម៉ៅដូច្នេះ ប៉ុន្ដែយ៉ាងណាអ្នកនាងក៏ទទួលស្គាល់ថា ទង្វើរបស់កូនស្រីតូចពិតជាមិនសមរម្យមែន។
ជាថ្មីម្ដងទៀត អ្នកនាង ផន សុផារី បានបង្ហោះវីដេអូស្ដីប្រដៅកូនស្រីពេលនាងតូចធ្វើខុស ឱ្យចេះសំពះសុំទោសហើយរៀបរាប់ថា ៖ «សង្ឃឹមថាបងប្អូននឹងយល់នៅពេលដែលបានឃើញ video នេះ» ដែលកាយវិការរបស់ អ៊ែលលី យំបណ្ដើរសំពះសុំទោសម្ដាយបណ្ដើរ មើលទៅពិតជាគួរឱ្យអាណិតណាស់។
សូមទស្សនាវីដេអូខាងក្រោម ៖
