ប្រិយមិត្ត បានជ្រាបរួចមកហើយថា កាលពី១ខែមុន, អ្នកម្ដាយជាទីស្រឡាញ់របស់តារាសម្ដែង សឿ សុធារ៉ា បានទទួលមរណភាព ហើយអ្វី ដែលធ្វើឲ្យមហាជន អាណិតនោះ ត្រង់ថា រូបនាងជាកូន គ្មានលុយសូម្បីតែធ្វើបុណ្យជូនម្ដាយ។
ទោះយ៉ាងណា ពេលនោះ កំពូលតារាចម្រៀង ខេមរៈ សិរីមន្ត មានក្ដីអាណិត ក៏ បានជួយជាថវិកាចំនួន២ពាន់ដុល្លារដើម្បីឲ្យ តារាសម្ដែង សឿ សុធារ៉ា យកលុយធ្វើបុណ្យជូនម្ដាយនោះ។ ក្រៅពីតារាចម្រៀងមានងារជាឧកញ៉ារូបនេះជួយហើយនោះ ក៏មានមិត្តភក្ដិរួមអាជីព និងសប្បុរសជន ជាច្រើនទៀតបានជួយជាថវិកា ជាបន្តបន្ទាប់ផងដែរ។
ក្រោយពីអ្នកម្ដាយជាទីស្រឡាញ់ចែកឋានទៅ, គេសង្កេតឃើញថា តារាសម្ដែង សឿ សុធារ៉ា ហាក់មានស្មារតីមិនប្រក្រតីនោះឡើយ ហើយបានទៅរស់នៅក្នុងវត្ត។ ពេលនេះ អ្វី ដែលកាន់តែអាណិតទៀតនោះ សឿ សុធារ៉ា មានសុខភាពមិនល្អ ត្រូវបញ្ជូនទៅសង្គ្រោះបន្ទាន់នៅកាល់ម៉ែតទៀតផង។
ជាក់ស្ដែង ទំព័រហ្វេសប៊ុកឈ្មោះ «កណ្ណិកាសាឡន សាខាទី1» បានបង្ហោះវីដេអូ សឿ សុធារ៉ា នៅលើគ្រែពេទ្យនៅព្រឹកថ្ងៃទី៣០ ខែវិច្ឆិកា ហើយរៀបរាប់ថា កាលពីវេលាម៉ោងប្រហែល១១យប់មិញ សឿ សុធារ៉ា ត្រូវបានបញ្ជូនមកសង្គ្រោះបន្ទាន់នៅមន្ទីរពេទ្យកាល់ម៉ែតទាំងយប់ ដោយសារតែមានអាការៈវៀចថ្គាម។
ងាកមក សាពូន មីដាដា ដោយឃើញបែបនេះ បានបង្ហោះសារណែនាំថា «បើប្អូនមិនប្រឹងហូប តើឲ្យអ្នកណាមកហូបជំនួស បើប្អូនមិនព្រមដេក តើឲ្យអ្នកណាមកដេកជំនួស ខំលេ.បតែថ្នាំទាំងក្បង់ៗហ្នុងមិនអាចជួយបន្ធូរឡើយមានតែបន្ថែម ពេទ្យអាចជួយតិចតួចប៉ុណ្ណោះ ម៉ោងជាងពីររំលងអធ្រាត្រទៅហើយ កូនៗមិនព្រមងងុយដេក ចាំមើលចាំថែម្តាយម្នាលប្អូនស្រី ជំងឺនេះគឺប្អូនខ្លួនឯងព្យាបាលខ្លួនឯង ហើយការព្យាបាលខ្លួនឯងនោះគឺ ហូបគ្រប់ ដេកគ្រប់ ហាត់កីឡា សំអាតចិត្ត តាំងសមាធិ និងព្រមទទួលគ្រប់យ៉ាង … ព្រះពុទ្ធអង្គបានត្រាស់សម្តែងថា សីល សមាធិ បញ្ញា»។
គួរបញ្ជាក់ថា អ្នកនាង សឿ សុធារ៉ា បានរៀបការជាមួយតារាចម្រៀង សាពូន មីដាណា កាលពីថ្ងៃទី៩ ខែ៩ ឆ្នាំ២០០៩ ដោយគិតរហូតមកដល់ពេលនេះ មានរយៈពេលជាង១០ឆ្នាំហើយ។
ចំណងអាពាហ៍ពិពាហ៍របស់ពួកគេ បន្សល់ទុកនូវកូនប្រុសស្រីចំនួន២នាក់ ទី១ឈ្មោះ សាពូន តារាភិមាន។ កូនទី២ ឈ្មោះ សាពូន ដារ៉ាបុរស។ បច្ចុប្បន្ន អ្នកនាង សឿ សុធារ៉ា និង លោក សាពូន មីដាណា អស់និស្ស័យជាប្ដីប្រពន្ធជាមួយគ្នាហើយ, គ្រាន់តែមិនទាន់លែ,,ងលះផ្លូវច្បាប់៕
https://youtu.be/Yp9jZx0Ay0o
