កូនស្រីសម្លាញ់ចិត្តរបស់តារាកំប្លែង ស្រីអ៊ីត គឺតារាពន្លកថ្មី ង៉ា ស្រីណាន បច្ចុប្បន្នកាន់តែប្រឡូកក្នុងវិស័យសិល្បៈយ៉ាងជិតស្និទ្ធ ដោយកាលពីពេលកន្លងទៅនាងបានចូលរួមកម្មវិធីប្រឡងចម្រៀងកម្រិតពិភពលោក X Factor Cambodia ហើយពេលនេះ ស្រីណាន ក៏ជាបេក្ខភាពក្នុងកម្មវិធីប្រកួតស្រស់ Miss Teen International Cambodia 2023 ផងដែរ។
មិនត្រឹមតែច្រៀងពីរោះក្លាយជាបេក្ខភាពដ៏លេចធ្លោក្នុងកម្មវិធីប្រឡងចម្រៀងខាងលើទេ ង៉ា ស្រីណាន ក៏មានរូបរាងស្រស់ស្អាតតូចច្រឡឹង សាច់ឈាមសភ្លឺថ្លា ចំណែករូបសម្ផស្សក៏បានទៅទៀត ពោលគឺកាត់ទៅរកម្ដាយគឺតារាកំប្លែង ស្រីអ៊ីត មិនខុសនោះទេ។
ក្រៅពីមានទឹកដមសំឡេងផ្អែមពីរោះ មានសម្រស់គួរជាទីគយគន់ ស្រីណាន ក៏ពូកែរាំរែកណាស់ដែរ។ តួយ៉ាងថ្មីៗនេះ ស្រីស្អាត ណានណាន បានរាំចាយសម្រស់រំលេចភាពសិចស៊ីបង្ហោះនៅលើគណនី TikTok ព្រមជាមួយកាយវិការទឹកមុខក្រមិចក្រមើមម្ញ៉ិកម៉្ញុ បានឆក់ចំណាប់អារម្មណ៍អ្នកលេងបណ្ដាញសង្គមជាច្រើនឱ្យចូលទៅបញ្ចេញយោបល់សរសើរនាងព្រោងព្រាត៕ ប្រជាប្រិយ
