ពិធីបិទការប្រកួតកីឡាជាតិលើកទី៣ និងកីឡាជនពិការជាតិលើកទី១ នៅល្ងាចថ្ងៃទី ៣០ ខែវិចិ្ឆកា ឆ្នាំ ២០២២ នេះ មានការអញ្ជើញចូលរួមក្រោមអធិបតីភាពដ៏ខ្ពង់ខ្ពស់របស់សម្ដេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសិល្បករ សិល្បការិនីគ្រប់ទម្រង់នៅឯពហុកីឡដ្ឋានជាតិមរតកតេជោ។
ក្នុងពិធីនេះមានការសម្ដែង និងបកស្រាយបទចម្រៀងជាច្រើន ពីសំណាក់សិល្បករ សិល្បការិនី ដែលត្រូវបង្ហាញ ប៉ុន្តែក្នុងនោះ មហាជនខ្លះផ្ទុះការវែកញែក ខ្លះក៏មានការរិះគន់ផងដែរ ទៅលើទំព័រហ្វេសបុករបស់ក្រុមហ៊ុនទូរស័ព្ទចល័ត ស្មាត ទាក់ទងនឹងការចាក់ផ្សាយផ្ទាល់ពីកម្មវិធីទាំងមូលនេះ ព្រោះគ្មានបទចម្រៀង «Time to rise» ដែលជាការបកស្រាយរបស់លោក ម៉ាន់ វណ្ណដា និងលោកតាព្រឹទ្ធាចារ្យ គង់ ណៃ។
យ៉ាងណាមិញ លោក វ៉ាន់ សារ៉ាយ ដែលត្រូវបានគេស្គាល់ថាអ្នកអ្នកសារព័ត៌មានមួយរូប បានលើកឡើងថា៖
«ព្រោះតែប្រយោជន៍អាជីវកម្ម គេទាញប្រយោជន៍លើព្រឹត្តិការណ៍ជាតិ ដល់វគ្គវណ្ណដា សម្តែងបែរជាមិនផ្សាយឱ្យទស្សនា ហើយទៅចាក់ផ្សាយបទចម្រៀងចាស់ឡើងវិញ។ កីឡាជាតិ ជាព្រឹត្តិការណ៍របស់ជាតិ ជាតិ មានន័យថាទាំងអស់គ្នា មិនមែនកម្មសិទ្ធិរបស់នរណាទេ? តើការផ្សាយរបស់អ្នក ដើម្បីជាតិ ឬដើម្បីប្រយោជន៍អាជីវកម្មរបស់អ្នក?»
លោកបានឱ្យដឹងបន្ថែមទៀតថា៖ «អ៊ីចឹងបានថា អ្នកធ្វើអាជីវកម្មខ្លះគ្មានបេះដូងជាតិទេ អ្វីដែលគេធ្វើដើម្បីប្រយោជន៍តែប៉ុណ្ណោះ។ លេខស្មាតមួយចង់កាច់ចោល។ »
ជុំវិញរឿងនេះមានអ្នកបញ្ចេញមតិជាច្រើនគាំទ្រការលើកឡើងនេះ ខណៈអ្នកខ្លះក៏បានលើកហេតុផលឆ្លើយតបទៅវិញផងដែរថា៖ «សម្រាប់អ្នក comment ថា បិទពេល Vannda សម្តែង ជារឿងសម ព្រេាះខ្លាច cell card ប្តឹ.ង ឫជាប់ co.py ri.ght ហេីយអត់ខ្លាចផលិតកម្ម ហង្សមាស និងផលិតកម្ម រាម ប្តឹ.ងទេផ្សាយបទគេ ? Page Smart ចង់ផ្សាយឬ មិនចង់ ចង់កាត់មុខអ្នកណាចេញក៏ជាសិទ្ធរបស់ page smart តែ វាអសីលធម៍ ព្រេាះនេះជាព្រឹតិការណ៍ជាតិ គ្រប់គ្នាចូលរួមដេីម្បីលេីកស្ទួយកីឡានឹងមុខមាត់ជាតិ គួរតែបង្ហាញគ្រប់ការណ៍សម្តែង ក្នុង កម្មវិធី ពិសេសថ្នាក់ដឹកនាំកំពូលចូលរួមទៀត»។
សម្រាប់អ្នកដែលមិនបានទស្សនា បទចម្រៀង «Time to rise» ក្នុងព្រឹត្តិការណ៍នេះ មានតែទៅទស្សនាទំព័រហ្វេបុកផ្សេងដែលផ្សាយប៉ុណ្ណោះ ឬទស្សនាវីដេអូខាងក្រោមនេះបាន៖
សូមទស្សនាវីដេអូខាងក្រោម៖
